Alla vikuna höfum við undirbúið dag íslenskrar tungu sem byrjaði með lestrarátaki leikskólabarnanna. Þau fóru heim með Lubbabein og skráðu hvaða bækur voru lesnar yfir vikuna. Beinin fóru svo í afmælispakka til Lubba en hann átti pakka inn á sitthvorri deildinni. Í samverustundum ræddum við um daginn og horfðum á myndband um Jónas Hallgrímsson sem átti afmæli þennan dag. Lubbi okkar á líka afmæli þennan dag og því fær hann pakka með fullt af Lubbabeinum. Lubbi hefur verið í starfi með leikskólabörnunum í Bjarkatúni í 13 ár þó svo að hann hafi átt 4 ára afmælisdag. Á kríudeild var svo unnið verkefni upp úr vísunni hans Jónasar Buxur, vesti, brók og skór sem hægt er að sjá á veggnum fyrir framan eldhúsið.